သိသောသူမည်ကား ကြားပါစေ . . .( ၇ ) @ သိုးဆောင်း
မေမေက ပြတ်တယ်။
"မေမေ လုံးဝ သဘောမတူနိုင်ဘူး သား"
ဖေဖေကတော့ လူကြီးဆန်တယ်။
"အိမ်ထောင်ပြုပြီးသွားရင် မင်းက ဦးဆောင်မှာလား ၊ နောက်လိုက်လုပ်မှာလား"
"ဟာ . . . ဖေဖေကလည်း သားက ယောကျ်ားလေးပဲ ၊ သား ဦးဆောင်မှာပေါ့"
"ဒါဆိုရင်တော့ မင်းယူမယ့် မိန်းမလေးမှာ ဇနီးတစ်ဦးအတွက် ရှိသင့်ရှိထိုက်တဲ့ အရည်အချင်းတွေ ရှိရဲ့လား သေချာလေ့လာပါ ၊ ရှိတယ်ဆိုရင်တော့ . . ."
ပြီးပြီလေ ။ ဖေဖေ့စကားက ရှင်းနေပြီပဲ။
နောက်ဆုံးတော့ သားကိုချစ်သော မိဘတွေရဲ့ ထုံးစံအတိုင်း တစ်ခုသော အချိန်ကာလမှာ မိဘတို့ ဝတ္တရားရှိသည်နှင့်အညီ ကောင်းမွန်စွာ ဆောင်ရွက်ပေးခဲ့ပါတယ်။
သုန္ဒရီ Third Year နှစ်မှာပေါ့။
. . .
"တျာနီမြန်း ၊ ချစ်နှုတ်ခမ်းပလီ x x x သမင်မျက်လုံး
ရှုမက်မဆုံးပြီ x x x အမ္မရာ ၊ ကိန္နရီ ၊ မဒီ ၊ သမ္ဘူ
ထူးမြတ်တဲ့ ဆုတွေအညီ x x x ဘယ်ရှေးဆုတောင်း
ဘယ်အကြောင်းငယ်ဖန်သည် x x x
ညကမ္ဘာလေးမှာ ပျော်စရာ ၊ ရွှင်စရာ ၊ အထူးသရုပ်ဆောင်သည် x x x
လက်ခုပ်ဩဘာ ဆူညံသံတွေ နဘံမိုးသို့ ညံစီ
ကသာ ၊ ကပါ ရွှေသုန္ဒရီရေ မောင်လည်း ကြည့်ချင်သည် x x x
သူ့အလှတောမှာ စုံချည်ဆန်ချည် ရင်မောလှပါသည် x x x
ဒီဘဝမှာ မနီးရရင်ဖြင့် ကြီးဒုက္ခမီး ဖိစီးလိမ့်မည် x x x "
. . .
Comments
Post a Comment